Pyetje të shpeshta
I përgjigjemi me përkushtim të gjitha pyetjeve tuaj. Nëse keni pyetje të tjera na kontaktoni.
- Pyetje të përgjithshme
- Pyetje për zhvillimin e kurseve
- Pyetje për çmimet e kurseve
- Pyetje për përfitimet nga kurset
- Çfarë kurse ofroni?
Ne ofrojmë kurse për Front-End Development, Back-End Development, Full-Stack Development dhe Git. Kurset zhvillohen në grupe ose individualisht.
- Si mund të regjistrohem për kursin?
Për t’u regjistruar duhet të vini tek zyra jonë, në bulevardin Gjergj Fishta, ku bëni edhe pagesën e kursit.
- Cili është stafi i trajnerëve dhe cilat janë kredencialet e tyre në fushën e programimit?
Trajnimet tona drejtohen nga themeluesi i kompanisë së programimit Ketri Web, i cili është programues profesionistë me mbi 15 vjet eksperiencë në fushën e programimit. Krahas mësimeve të strukturuara, pjesa e veçantë e vlerësuar tek kurset tona është ofrimi i këshillave praktike dhe zgjidhjeve për sfida të veçanta të programimit. Si programues me shumë vite eksperiencë, do t’ju ndihmojnë të mësoni si të përdorni njohuritë tuaja në zgjidhjen e problemeve reale që mund të hasni gjatë punës ose projektave tuaja.
- A janë kurset për studentë fillestarë?
Po, por nuk janë vetëm për studentë fillestarë. Në kurse çdo gjë merret nga fillimi pa patur nevojën e njohurive të mëparshme dhe avancon deri në nivel mesatar.
- Si mund të jap feedback për një kurs që kam ndjekur?
Mund të na dërgosh feeedback-un tënde me shkrim dhe ne do ta publikojmë në faqen tonë të internetit. Gjithashtu, mund të besh review për Ketri Academy në Google.
- Si zhvillohen kurset?
Në Ketri Academy, kurset zhvillohen në grupe të vogla studentësh online ose fizikisht, me maksimum 10 pjesëmarrës. Gjithashtu kurset mund të zhvillohen individualisht, duke ofruar kështu mundësi të personalizuara për çdo student.
- Sa është kohëzgjatja e kurseve?
Kohëzgjatja është në varësi të kursit që ndiqni, kurset për front-end dhe back-end zgjasin 7 javë, në total 28 orë. Ndërsa kursi për full-stack zgjat 15 javë, në total 60 orë.
- Në çfarë orësh zhvillohen kurset?
Oraret vendosen pasi janë krijuar grupet, në mënyrë që të vendoset një orar sa më i përshtatshëm për të gjithë. Kryesisht kurset zhvillohen gjatë javës mbasdite dhe në fundjavë paradite.
- Në çfarë gjuhe jepen mësimet?
Mësimet jepen në gjuhën shqipe.
- Çfarë ndodh nëse një student mungon në një seancë të kursit?
Nëse një student mungon, të gjitha materialet dhe kursi i zhvilluar online do të dërgohen pas përfundimit të seancës, për të siguruar që nuk humbasin asnjë informacion.
- Çfarë projektesh zhvillohen në Ketri Academy?
Në Ketri Academy, zhvillohen disa projekte reale që u ofrojnë studentëve mundësinë të aplikojnë njohuritë e marra gjatë kursit. Këto projekte janë të rëndësishme, pasi ndihmojnë studentët të zhvillojnë aftësi praktike, të forcojnë bashkëpunimin dhe të fitojnë përvojë të vlefshme për karrierën e tyre të ardhshme.
- Sa kushtojnë kurset?
Çmimet e kurseve ndryshojnë në varësi të kursit që zgjedh. Kursi për front-end dhe back-end kushton 40,000 lekë, ndërsa kursi për full-stack kushton 80,000 lekë
- Pranoni pagesa me këste?
Po, pagesa e kursit mund të bëhet edhe më këste. Nuk pranohet me këste vetëm nëse çmimi është në ofertë.
- Çfarë ofertash keni për studentët?
Për të gjithë studentët që kanë kartën e studentit, ofrojmë 30% ulje për të gjithë kurset tona në grup.
- Bëni oferta për kurset e programimit?
Po bëjmë. Ne duam që kurset tona të mund të ndiqen nga të gjithë, për këtë arsye mendojmë edhe për ata që nuk kanë mundësi ti ndjekin në çmimin fillestar. Për të parë ofertat tona shikoni faqen e ofertave
- Në përfundim të kursit, a ka mundësi për punësim?
Ne ofrojmë mundësi punësimi pranë kompanisë sonë të programimit Ketri Web, vetëm për kursantët më të mirë dhe në varësi të nevojave të kompanisë.
- Ofroni mundësi internshipi për kursantët?
Po, për studentët më të mirë ofrojmë mundësi internshipi. Gjithashtu ne ofrojmë si mundësi për studentët tanë që të realizojnë tek ne edhe praktikën e shkollës.
- Ofroni certifikatë në përfundim të kursit?
Ketri Academy ju shpërblen për pjesëmarrjen dhe përkushtimin tuaj, duke ju pajisur me një certifikatë për përfundimin me sukses të trajnimit që ju keni zgjedhur.
